MANILA, Philippines – INILUNSAD ng Commission on Higher Education (CHED) at Teacher Education Council (TEC) ang P103 million scholarship program naglalayong hikayatin ang mas marami pang estudyante sa ‘teaching specializations’ bunsod na rin ng kakapusan sa bilang ng mga guro.
Ang Teacher Education Scholarship Program (TESP), nakatakdang smulan ang Academic Year 2026-2027, ay magbibigay ng buong suporta sa 720 iskolar na hangad na magkaroon ng teacher education degrees, partikular na sa Early Childhood Education, Values Education, at Special Needs Education.
Sinasabing hangad ng inisyatiba ang palakasin ang ‘future teaching workforce’ ng bansa sa pamamagitan ng hikayatin ang mga estudyante na pasukin ang larangan kung saan ang mga kuwalipikadong guro ay kapos sa suplay.
“We cannot fix the gaps in our education system without supporting the people who hold it together – our teachers,” ang sinabi ni CHED chairperson at TEC vice chairperson Shirley Agrupis sa isinagawang paglagda sa memorandum of agreement noong Hunyo 3.
Nangangahulugan ito na ang mga hamon sa edukasyon ay hindi matutugunan nang hindi namumuhunan mismo ang mga guro.
“This is a deliberate effort to bring top talent into the teaching profession and ensure that our schools have the skilled educators our students deserve,” aniya pa rin.
Sinadya ang programang ito para makahikayat ng high-performing students sa teaching profession at tulungan ang mga eskuwelahan na makakuha ng access sa mga kuwalipikadong tagapagturo.
Ang kasunduan ay tinintahan nina Agrupis, TEC Executive Director Jennie Jocson, at UniFAST Officer-in-Charge Executive Director Septon De La Cruz kasunod ng 2026 First Council Meeting sa Quezon City.
Sa ilalim ng kasunduan, “fund disbursements will be handled by the Unified Student Financial Assistance System for Tertiary Education (UniFAST), while implementation will be jointly managed by the TEC and designated Centers of Excellence in Teacher Education.”
Sinabi ni Jocson na ang scholarship program ay dinisenyo para tugunan ang long-standing shortages partikular sa mga larangan ng pagtuturo.
“By providing substantial incentives for specializations like early childhood, values, and special needs education, we are strategically filling critical gaps in our basic education system with competent, specialized professionals,” aniya pa rin.
Sa paghikayat sa mga estudyante na magpakadalubhasa, layon ng programa na tugunan ang kakapusan ng kuwalipiakdong guro sa pinakamahalagang sektor sa basic education.
Ang scholarship program ay ipinagkaloob sa ilalim ng Republic Act No. 11713, hangad na makahikayat at suportahan ang high-performing students na hangad na makasama sa teacher education programs.
Samantala, ang pilot rollout ay magsisilbi bilang first phase ng pagsisikap na palakasin ang teacher pipeline ng bansa at paghusayin ang kalidad ng mga guro sa hinaharap. KRIS JOSE
