MANILA, Philippines – May kakayahan ang Philippine Statistics Authority (PSA) at National Bureau of Investigation (NBI) na beripikahin kung may mga kapangalan sina Chel Diokno at Marian Rivera na posibleng tumanggap ng confidential funds mula kay Vice President Sara Duterte, ayon kay House Assistant Majority Leader Zia Alonto Adiong.
Lumabas ang mga pangalang Chel Diokno at Marian Rivera sa acknowledgement receipt ng confidential funds ni VP Sara na isinumite sa Commission on Audit (COA).
“So I guess the agencies that can actually help us, the public, to really know whether may talagang tao na ganun din ng pangalan ay PSA at NBI. That’s why from the very start alam we requested the assistance of these agencies,” ani Adiong.
“We requested PSA and the NBI to also verify not only yung mga kuwestyonableng acknowledgement receipts but to examine also forensically if this signature specimen are actually signed by one and the same person,” dagdag pa niya.
Inamin ni Adiong na hindi pa nila nasusuri nang detalyado ang mga entry na may pangalan nina Diokno at Rivera.
Lumabas ang pangalan ng dalawa base rin sa mga viral reports na nagsasabing kabilang sila sa tumanggap ng pondo. RNT
