Chief tanod utas sa tadtad ng bala

TIAONG, Quezon – Patay ang isang 50-anyos na hepe ng barangay tanod sa Sitio Tabura, Barangay Del Rosario, dito, nitong Martes ng umaga.

Kinilala ng pulisya ang biktima na si Isidro M. Girao.

Ayon sa imbestigasyon, pauwi na sana ang biktima mula sa kanyang sakahan nang sumulpot ang isang lalaki at pinagbabaril ito ng ilang beses.

Namatay si Girao sa lugar. Tumakas naman ang suspek at nagsasagawa ng manhunt at follow-up operations ang mga pulis.

Sinabi ng pulisya na ang biktima ay dati nang naaresto dahil sa frustrated murder. RNT