MANILA, Philippines – Dinukot ng mga hindi pa tukoy na armadong kalalakihan ang isang lalaking Chinese national nitong Linggo, Setyembre 8 sa Kawit, Cavite.
Iniulat ng Region 4A police na bumaba si Sun Libin sa kanyang sasakyan at naglalakad na patungo sa kanyang apartment sa Barangay Tabon 1 bandang 10:30 ng gabi nang dukutin siya ng anim na armadong kalalakihan.
Pwersahang isinakay ang biktima sa isang sasakyan at mabilis na umalis.
Wala nang ibang detalye pa kaugnay sa biktima.
Iniimbestigahan na ng pulisya ang insidente at inaalam kung mayroong mga security camera sa crime scene na posibleng makapagbigay ng pagkakakilanlan ng mga suspek.
Naglunsad na rin ng manhunt para sa ikaaaresto ng mga dumukot. RNT/JGC
