MANILA, Philippines – Suportado ni Senador Ronald “Bato” Dela Rosa ang pamamaraan na paiiralin ni Senate President Francis “Chiz” Escudero sa impeachment trial laban Vice President Sara Duterte.
“I’m following the lead of our Senate President. I presume alam na alam niya yung ginagawa niya and he has my support,” ayon kay Dela Rosa sa ambush interview sa kanyang kampanya sa Ermita, Manila.
“I’m supporting his effort dahil nga, kung baga, pinanindigan niya yung kanyang pinaniwalaang tama at saka yung sinabi niya pine-preserve niya yung integridada ng Senado,” dagdag niya.
Nitong Huwebes, Pebrero 27, ipinalabas ni Escudero ang panukalang timeline kabilang ang listahan ng administrative support group sa impeachment trial ni Duterte na nakatakdang simulan sa Hulyo 30.
Nakalakip ang panukalang calendar sa liham na may petsang Pebrero 24, 2025 kabilang ang Special Order na itinatalaga ang ilang tanggapan ng Senado bilang administrative support group sa impeachment court.
Ipindala ang liham sa kasamahan ni Escudero sa Senado kabilang sa tanggapan ni Duterte at Speaker Ferdinand Martin Romualdez.
Inaprubahan ng House of Representatives ang impeachment complaint laban kay Duterte noong Pebrero 5 na inendorso ng 215 mambabatas ang naturang verified complaint saka dinala ang Articles of Impeachment sa Senado. Ernie Reyes
