MANILA, Philippines – Pinalalakas ng government research agencies sa Northern Mindanao ang hakbang nitong gamitin ang climate-focused studies at industry-driven innovations sa unified regional research agenda.
Ayon kay Mae Odimyrla A. Morales, senior science research specialist ng Department of Agriculture Regional Field Office 10 (DA-10), pinupulido na ang research portfolio ng rehiyon upang masiguro ang pagiging responsive nito sa climate change, agricultural needs, at emerging industry demands.
Tinukoy ni Morales ang Regional Agriculture and Fisheries Research for Extension and Development Agenda (RAFRDEA) bilang central framework para sa pagtatakda ng research priorities.
Ipinapakita sa agenda ang mga pagsubok na kinakaharap ng iba’t ibang industriya, pagtukoy sa nagpapatuloy at proposed studies, at pagrekomenda sa corresponding policy interventions.
Ang mga ito ay nabuo sa pamamagitan ng konsultasyon sa Agricultural Marketing Assistance Division ng DA, Regional Agriculture and Fisheries Council, at iba pang sector representatives.
Sinabi rin ni Morales na nagsimula na ang rehiyon sa digitalisasyon ng research outputs para gawing accessible pa sa mga magsasaka, processors at iba pang user ang mga teknolohiya.
Ang inisyatibo, na suportado ng Department of Information and Communications Technology ay naglalayong pagsama-samahin ang technology portfolios mula sa mga ahensya katulad ng DA, Department of Environment and Natural Resources, at Department of Science and Technology sa isang single regional database.
Aniya, ang inital phase ng digital platform ay tututok sa mga teknolohiya na nakaabot ng high technology readiness level.
Ayon kay Maria Estela B. Detalla, director ng Northern Mindanao Consortium for Agriculture, Aquatic and Natural Resources Research and Development, kasalukuyan silang bumubuo ng unified regional database na magbibigay-daan sa member institutions na magbahagi ng mga research at development information kabilang ang personnel profiles, mga nakumpleto at nagpapatuloy na proyekto, laboratory resources, at institutional initiatives para mapabilis ang data access at mapabuti ang inter-agency coordination.
Tatawagin itong Centralized Research Information and Technology Management Portal, ang pasilidad na ito ay magsisilbing consolidated digital repository ng Northern Mindanao para sa research outputs at technology portfolios. RNT/JGC
