Comelec, mga mall pumirma ng kasunduan sa mall voting sa BSKE

MANILA, Philippines – Lumagda na ng kasunduan ang Commission on Elections (Comelec) sa mga mall para sa paghahanda sa Barangay at Sangguniang Kabataang Electiong ngayong 2023.

Pinangunahan ni Comelec Chairman George Garcia at iba pang opisyal ng komisyon ang Memorandum of Agreement Signing sa SM City Manila kasama si SM Super Malls President Steven T. Tan.

Gayundin, magkakaroon na rin ng mall voting sa Robinsons mall kung saan kasama rin sa MOA signing si Faraday D. Go, ang Executive Vice-President ng Robinsons mall.

Maaalala na sinabi ng Comelec na planong magdaos ng mall voting sa 15 malls sa buong bansa para sa halalan sa Oktubre.

Kabilang sa mga piling malls ay sa Metro Manila, Region IV-A, Region V at Region VII.

Binanggit ng Comelec ang mga pakinabang ng paggamit ng mga mall bilang voting sites sa halip na mga silid-aralan, kabilang ang seguridad, pag-iwas sa pamamahagi ng mga sample ballot, at pag-iingat ng mga kagamitan sa paaralan. Jocelyn Tabangcura-Domenden