MANILA, Philippines – Nanawagan ang Commission on Elections (Comelec) sa mga religious at civic organizations sa Davao City at iba pang lugar na lumahok sa demonstration at roadshow ng automated counting machines (ACMs) bilang paghahanda sa 2025 polls.
Ayon kay Comelec Chairman George Garcia, mas maraming tao ang dapat makinabang sa kanilang voter information drive initiative, na hindi lamang kasama ang pagpapakita ng mga ACM kundi pati na rin ang mga wastong paraan ng pagboto.
Sinabi ni Garcia na ang mga interesadong organisasyon ay maaaring makipag-ugnayan sa local Comelec offices para sa pagsasagawa ng ACM demonstration.
Sinimulan ng Comelec ang kanilang ACM roadshow at voter education noong Sabado, na magtatapos sa Enero 30, 2025, kung kailan ang One ACM ay ipapakalat sa bawat munisipalidad sa buong bansa.
Sinabi rin ng poll body na mararating ang roadshow sa malalayong lugar, maging ang mga komunidad ng mga katutubo.
Kamakailan ay natanggap ng Comelec ang huling batch ng mga ACM mula sa Miru Systems ng South Korea, ang tapped automated elections systems provider. Jocelyn Tabangcura-Domenden
