MANILA, Philippines- Sinabi ng Commission on Elections (Comelec) nitong Martes na nahulog ang truck ng F2 Logistics Philippines, Inc., ang service provider nito para sa May 12 polls, sa isang bangin sa Cagayan de Oro, kung saan isa ang naitalang patay.
Inihayag ni Comelec Chairperson George Garcia na galing ang truck sa Bukidnon matapos maghatid ng election paraphernalia nang maganap ang aksidente.
“A truck belonging to our provider fell off a cliff on its way back to Cagayan de Oro after delivering election paraphernalia to Bukidnon,” pahayag ni Garcia.
“It happened in Upper Puerto, CDO. One person from F2 died.”
Nasungkit ng F2 Logistics Philippines ang multi-million contract para sa deployment ng equipment, peripherals, forms, supplies, at paraphernalia sa 2025 midterm elections. RNT/SA
