Pumayag na si Warriors star Stephen Curry sa isang taon, $62.6-million na extension, para manatili siya sa Golden State hanggang 2026-27 season.
Kinumpirma rin ng ahente ni Curry na si Jeff Austin ang mga numero para sa two-time NBA Most Valuable Player.
Si Curry, 36, ay may dalawang taon na natitira sa apat na taon, $215.4 million na deal na pinirmahan niya noong Agosto 2021.
Batay sa “over-38 rule” sa collective bargaining agreement, siya ay kwalipikado lamang para sa isang taong extension ngayong offseason dahil siya ay magiging 38 habang buhay ang kontrata (March 14, 2026).
Isang 10-time All-Star, four-time NBA champion at two-time scoring king, si Curry ay nag-average ng 26.4 points, 5.1 assists at 4.5 rebounds sa 74 na laro sa kanyang ika-15 season sa Golden State noong 2023-24.
Si Curry ang all-time leader ng NBA sa 3-point field goals (3,747) at career leader ng franchise sa puntos (23,668), assists (6,119), steals (1,473) at larong nilaro (956).
