Cybersex owner na may ‘bold show’ online kalaboso

Bulacan – Arestado ng mga awtoridad ang umano’y cybersex den owner na sangkot sa kaso ng human trafficking sa lungsod San Jose Del Monte (SJDM).

Kinilala ng pulisya ang naarestong suspek na si alyas Wiwit, 28, cybersex den owner, residente ng Brgy. Mulawin.

Sa report ng SJDM police station, nahuli ang suspek na sangkot umano sa human trafficking nitong Nobyembre 27 sa naturang lugar.

Ayon sa report, ang suspek ay puwersahang pinagsasayaw ng hubot-hubad ang kanyang biktimang 26 anyos na biktima sa kanyang online customers.

Sinasabing tinatakot ng suspek ang biktima na ipo-post ang kanyang mga malalawaswang larawan at bidyo sa online sakaling tumanggi sa kanyang mga utos.

Nahaharap sa kaukulang kaso ang suspek habang nakakulong sa naturang istasyon ng pulisya. Dick Mirasol III