MANILA, Philippines- Inihayag ng Department of Agriculture (DA) na magsasagawa ito ng buwanang reviews ng maximum suggested retail price (MSRP) na P58 per kilo para sa premium imported rice, na may posibilidad na ibaba sa susunod na buwan dahil sa global trends ang nagdidikta sa anumang adjustments.
Sinabi ng DA nitong Linggo na magsasagawa ito ng monthly review ng MSRP ng premium imported rice na walang higit sa 5% na broken grains, na nagtatakda sa profit margins ng importers, traders, at retailers sa P10 per kilo.
Rekisitos sa retailers na lalampas sa MSRP na ipaliwanag ang kanilang presyo sa mga awtoridad, sa naunang pahayag ni Agriculture Secretary Francisco Tiu Laurel Jr. na ang imported rice na 25% na durog ay hindi dapat lumampas sa P50 per kilo.
Batay sa pinakabagong datos mula sa DA monitoring, ang presyo ng imported commercial rice sa Metro Manila markets ay mula P45 hanggang P54 per kilo base sqa variety.
“Should rice prices remain excessively high, the DA and Department of Trade and Industry will recommend to President Ferdinand Marcos Jr. the imposition of a price ceiling, with strict penalties for violators,” anang DA.
“We are committed to bringing down prices to benefit all Filipinos,” giit ni Tiu Laurel.
Kasunod ito ng pagpapababa ni Pangulong Ferdinand “Bongbong” Marcos Jr., sa ilalim ng Executive Order 62, sa tariff rates para sa bigas sa 15% hanggang 2028 mula sa nakaraang 35%. RNT/SA
