MANILA, Philippines- Sinabi ng Philippine Atmospheric, Geophysical and Astronomical Services Administration (PAGASA) na 24 lugar ang maaaring makaranas ng heat index na itinuturing na “dangerous” sa Lunes, Hunyo 10.
Ayon sa PAGASA nakaamba ang 50 degrees Celsius (°C) heat index sa Guiuan, Eastern Samar, sinundan ng 45°C sa Aparri, Cagayan; Legazpi City, Albay; at Maasin, Southern Leyte.
Nagbabadya naman sa Tuguegarao City, Cagayan; Casiguran, Aurora; Virac (Synop), Catanduanes; at Masbate City, Masbate ang heat index na 44°C.
Maaaring makaranas ang Ninoy Aquino International Airport (NAIA) Pasay City, Metro Manila; Dagupan City, Pangasinan; Itbayat, Batanes; ISU Echague, Isabela; Cuyo, Palawan; Daet, Camarines Norte; Tacloban City, Leyte; Dipolog, Zamboanga Del Norte; at Zamboanga City, Zamboanga Del Sur ng 43°C heat index.
Dagdag ng PAGASA, posibleng maramdaman sa Bacnotan, La Union; Infanta, Quezon; Alabat, Quezon; Roxas City, Capiz; Mambusao, Capiz; Dumangas, Iloilo; at Borongan, Eastern Samar ang heat index na 42°C. RNT/SA
