MANILA, Philippines- Ipinag-utos ni Agrarian Reform Secretary Conrado Estrella III ang pagtanggal sa contract of service (COS) worker na nagtangkang takasan ang traffic enforcers matapos masita sa traffic violation sa Quezon City.
Binanggit pa umano ni Russel Smith, isang Administrative Staff IV, ang pangalan ni Estrella upang makaiwas sa parusa nang mahuling ilegal na pumarada sa kahabaan ng Timog Avenue at tinangkang tumakas sa halip na ipakita ang kanyang lisensya nitong Huwebes.
Sa press release nitong Biyernes, itinanggi ni Estrella ang direktang pagkakaugnay kai Smith.
Ipinag-utos din niyang ipagbawal na makapagtrabaho pa sa DAR si Smith. RNT/SA
