DAVAO, Philippines – Nagsasagawa ng surveillance ang Davao del Norte upang posibleng ibaba ang kanilang African Swine Fever (ASF) zone status mula red patungong pink, ayon sa opisyal noong Huwebes.
Ayon kay Dr. Minelo Generale, senior agriculturist ng Provincial Veterinarian’s Office, kabilang sa pagsusuri ang Barangay Mamacao, Kapalong, na naging sentro ng ASF outbreak noong 2020. Ang red zone ay nangangahulugang infected area, samantalang ang pink ay isang monitored buffer zone.
Noong nakaraang taon, nakolekta ang 500 blood samples mula sa baboy sa siyam na munisipalidad, at karamihan ay negative sa ASF at hog cholera.
Pinayuhan ng opisina ang mga magsasaka na ipagpatuloy ang mahigpit na biosecurity measures upang maiwasan ang muling paglitaw ng sakit.
Ang surveillance ay sumusuporta rin sa kautusan ni Governor Edwin Jubahib na ipagpatuloy ang livestock dispersal program, na inuuna ang mga barangay na dati nang apektado upang matiyak na wala nang virus. RNT/MND
