MANILA, Philippines – Niyanig ng magnitude 6.4 na lindol ang ilang bahagi ng Mindanao ngayong hapon ng Huwebes, Oktubre 8.
Ayon sa Philippine Institute of Volcanology and Seismology (PHIVOLCS), ang lindol ay tumama 4:07 ng hapon sa layong 42 kilometro timog kanluran ng Balut Island, Sarangani, Davao Occidental.
Tectonic in origin ang lindol at may lalim na 10 kilometro.
Ito ay aftershock umano ng magnitude 7.8 na lindol na tumama sa Sarangani at magnitude 6.5 na lindol sa Davao Occidental noong Hunyo.
Naitala ang instrumental intensities sa mga sumusunod na lugar:
Intensity IV: Alabel and Malapatan, Sarangani; Tboli and Lake Sebu, South Cotabato; General Santos City; at Palimbang, Sultan Kudarat.
Intensity III: Kidapawan City, Cotabato; Digos City at Matanao, Davao del Sur; Sarangani, Jose Abad Santos, at Sta. Maria, Davao Occidental; Maitum, Sarangani; Banga, South Cotabato; at Lebak, Sultan Kudarat.
Intensity II: Carmen, Mlang, at President Roxas, Cotabato; Davao City; Magsaysay, Davao del Sur; Maasim, Sarangani; Santo Niño, Surallah, at Norala, South Cotabato; at President Quirino, Esperanza, Kalamansig, at Isulan, Sultan Kudarat.
Intensity I: Kalilangan, Bukidnon; Banisilan, Magpet, at Pikit, Cotabato; Nabunturan, Davao de Oro; at Tantangan, South Cotabato.
Wala namang inaasahang pinsala sa lindol ngunit posible ang aftershock. RNT/JGC
