MANILA, Philippines – Niyanig ng magnitude 4.4 na lindol ang Davao Oriental nitong Huwebes ng hapon, Agosto 10.
Ayon sa Philippine Institute of Volcanology and Seismology (Phivolcs), ang lindol ay tumama 35 kilometro timog-silangan ng Governor Generoso bandang 2:48 ng hapon.
Tectonic in origin ang lindol at may lalim na 23 kilometro.
Naramdaman ang Intensity II ng lindol sa Tampakan, South Cotabato, habang Intensity 1 ang naitala sa Polomolok.
Samantala, iniulat din ng PHIVOLCS ang instrumental intensities sa mga sumusunod na lugar:
Intensity II – Tampakan, South Cotabato; Kalamansig, Sultan Kudarat;
Malungon, Sarangani;
Intensity I – Davao City; Alabel and Kiamba, Sarangani; City of Kidapawan, Cotabato; Magsaysay at Matanao, Davao del Sur; Nabunturan, Davao de Oro; City of General Santos, City Of Koronadal, at Polomolok, South Cotabato
Nitong Miyerkules, matatandaan na niyanig din ng magnitude 5.2 na lindol ang Davao Oriental. RNT/JGC
