MANILA, Philippines- Sa kabila ng hindi magandang panahon sa ilang bahagi ng Metro Manila at mga lalawigan, ang ikalawang araw ng 2024 Bar exams nitong Setyembre 11, Miyerkules, ‘proceeded smoothly’, base sa Supreme Court (SC) nitong Huwebes.
Ayon sa korte, binisita ni Associate Justice and Bar Examinations Chairperson Mario Lopez ang ilang local testing centers upang bantayan ang pagsusulit.
“As I visited several local testing centers, I witnessed firsthand the fighting spirit of our examinees. I reminded them that #BarNiJLo2024 is designed to be ‘exacto lang’— neither too difficult nor too easy,” pahayag ni Lopez.
“I am pleased to inform that Day 2 proceeded smoothly across all centers, with no significant incidents,” dagdag niya.
Inihayag ng SC na ang pagsusulit para sa ikalawang araw ay tungkol sa Civil Law at Labor Law and Social Legislations.
Nagsimula ang pagsusulit para sa taong ito noong Setyembre 8, Linggo, na matatapos sa Setyembre 15.
“As we approach Day 3, despite the looming threat of gloomy weather, I pray for clear skies and unwavering resolve for our examinees as they march towards the last stretch of their #MostValuableLaban,” wika ni Lopez.
Nauna nang sinabi ni Lopez na lalabas ang resulta ng pagsusulit sa Disyembre. RNT/SA
