MANILA, Philippines – Inaprubahan ng Economy and Development (ED) Council, na pinamumunuan ni President Ferdinand Marcos Jr., ang panukalang three-term school calendar ng Department of Education (DepEd) para sa School Year 2026–2027.
Ayon sa Department of Economy, Planning, and Development (DEPDev), ang 201 school days ay hahatiin sa tatlong terms:
–Unang term: Hunyo–Setyembre
–Ikalawang term: Setyembre–Disyembre
–Ikatlong term: Enero–Marso
Bawat term ay may 54–61 araw ng pagtuturo, kabilang ang maikling pahinga para sa non-academic activities at enrichment programs. Layunin ng trimester system na masulit ang oras ng pag-aaral na kadalasang naaantala dahil sa masamang panahon, selebrasyon, o iba pang okasyon.
Ayon sa DEPDev, makakatulong ang tatlong-term structure sa mas mahabang tuloy-tuloy na learning blocks, pagpapabuti ng recovery ng estudyante, at pagbibigay ng panahon para sa professional development ng guro at catch-up programs.
“Our commitment to developing a globally competitive workforce begins with providing evidence-based solutions to bridge educational gaps in our country. We commend DepEd for continuously pursuing initiatives that support critical development priorities,” ani DEPDev Secretary at ED Council Vice-Chair Arsenio Balisacan. RNT/MND
