MANILA, Philippines – Posibleng ilabas na ngayong linggo ang desisyon sa pagbawi sa gun permits ni Kingdom of Jesus Christ (KJC) founder Pastor Apollo Quiboloym sinabi ni Philippine National Police (PNP) spokesperson Col. Jean Fajardo nitong Miyerkules, Abril 24.
“Let’s wait for the formal signature of our chief PNP, and hopefully, within the week, his approved decision will come out,” ani Fajardo sa isang media forum.
Ayon kay PNP- Firearms and Explosives Office Public Information Office chief Major Lady Lou Gondales, ang pagbawi ng lisensya ng mga baril ni Quiboloy ay dahil sa paglabag sa Republic Act 10591 o Comprehensive Firearms and Ammunition Regulation Act.
Kamakailan ay kinumpirma ng PNP na mayroong 19 na armas si Quiboloy.
Sa kasalukuyan ay may arrest warrant ang “Appointed Son of God” dahil sa mga reklamo ng child abuse, sexual assault, trafficking at exploitation. RNT/JGC
