MANILA, Philippines – Mariing itinanggi ng Armed Forces of the Philippines (AFP) nitong Huwebes ang mga tsismis ng destabilisasyon at kudeta laban kay Pangulong Ferdinand Marcos Jr., na tinawag nilang “baseless, unfounded, at malayong mangyari.”
Ayon kay Col. Xerxes Trinidad, hepe ng AFP Public Affairs, ang katapatan ng militar ay nasa Saligang Batas at sa sambayanang Pilipino, hindi sa pulitika o personalidad. “The AFP’s role is clear: to defend our democratic institutions, not to arbitrate political disputes,” aniya.
Dagdag pa niya, nananatiling propesyonal at disiplinado ang AFP, at buo ang chain of command. Ang pagsasangkot umano sa militar sa intriga ay pagtatangkang maghasik ng pagkakawatak-watak at hadlangan ang kampanya laban sa korapsyon ng Pangulo.
“We will remain steadfast in our constitutional mandate — loyal to the flag, the Constitution, and the Republic,” giit ni Trinidad. Santi Celario
