MANILA, Philippines – Itinalaga si Foreign Affairs Assistant Secretary Daniel Espiritu bilang Ambassador Extraordinary and Plenipotentiary sa bansang Ireland.
Sa Facebook post nitong Sabado, Agosto 3, sinabi ng Presidential Communications Office (PCO) na si Espiritu ay kabilang sa mga bagong appointees sa ilalim ng iba’t ibang ahensya ng pamahalaan.
Kasama pa sa mga bagong appointees ay sina Luis Carlos bilang Special Envoy to the President to Japan for Trade and Investment ng DFA; Marie France Tiatco bilang Assistant Secretary sa Department of Transportation; Agnes Tolentino bilang Assistant Secretary ng National Economic and Development Authority; Luis Carlos bilang Postmaster General/Chief Executive Officer Member – Board of Directors; John De Leon bilang Executive Director ng Philippine Rice Institute; at Robert Bastillo bilang President/Chief Executive Officer – Memberc Board of Directors ng Small Business Corporation.
Kasama rin sa mga bagong appointees ay sina Mario Espinosa, Eligio Ildefonso, at Fernando Siringan bilang Acting Member, Board of Directors ng Philippine Reclamation Authority. RNT/JGC
