MANILA, Philippines – Inaasahang makikipagpulong si Foreign Affairs Secretary Ma. Theresa Lazaro kay China Foreign Minister Wang Yi para pag-usapan ang bilateral relations sa pagitan ng Pilipinas at China.
Ito ang anunsyo ni DFA spokesperson on ASEAN matters Dominic Xavier Imperial nitong Lunes, Hulyo 20 kasabay ng paglahok ng foreign ministers ng 50 bansa sa weeklong meetings at conference mula Hulyo 20 hanggang 24 ng Association of Southeast Asian Nations (ASEAN).
Nang tanungin kung tatalakayin ang video na nagkukumpara sa mga Filipino sa mga unggoy, sinabi ni Imperial na hindi niya nais na pangunahan ang pag-uusapan ng dalawang opisyal.
“Yes, I have knowledge that the Secretary will have a meeting with the Foreign Minister of China, but as regards their discussions, of course, I don’t want to preempt what they will discuss,” sinabi ni Imperial.
“But we believe that this engagement is very important because not only will it cover the bilateral relations between the Philippines and China, but it will also have something to do with regional – the impact of what’s happening globally to the region, to ASEAN,” dagdag pa.
Hindi tinukoy kung kailan magkikita ang dalawang opisyal.
Inaasahang dadalo sina United States Secretary of State Marco Rubio at Chinese Foreign Minister Wang Yi sa ASEAN at related meetings nito sa Metro Manila ngayong linggo.
Hindi pa malinaw kung anong meeting ang dadaluhan ng dalawang opisyal. RNT/JGC
