MANILA, Philippines – Isang babaeng Chinese na pasahero ang nahulihan ng higit sa $40,000 sa isang security check sa Ninoy Aquino International Airport (NAIA) Terminal 1, sinabi ng Office of Transportation Security (OTS) noong Linggo, Disyembre 15.
Batay sa ulat ng OTS, aalis na sana ang babaeng pasahero patungong Hongkong noong Biyernes, Dec, 13. nang matuklasan ng mga tauhan ng OTS at Bureau of Customs ang cash na katumbas ng P2 milyon.
Sinabi ni OTS Intelligence Agent Aide Janice Acuña na napansin niya ang pera sa magkabilang gilid ng mga bulsa ng manlalakbay.
Pagkatapos ay itinurn-over ang babaeng pasahero sa mga awtoridad ng paliparan, kasama ang nakuhang pera mula sa kanya.
Sa ilalim ng batas ng Pilipinas, partikular ang Anti-Money Laundering Act (AMLA) at Philippine Immigration Act, ang mga manlalakbay ay kinakailangang magdeklara ng mga halagang cash na lampas sa PHP 50,000 (humigit-kumulang $900) kapag umalis ng bansa.
Ang pagkabigong gawin ito ay itinuturing na labag sa batas, at ang hindi naiulat na mga pondo ay maaaring kunin. Nilalayon ng regulasyong ito na maiwasan ang money laundering at ang iligal na paglilipat ng malalaking halaga nang walang wastong dokumentasyon. RNT
