THE HAGUE, Netherlands – Ayon sa International Criminal Court (ICC) Registry, si dating Pangulong Rodrigo Duterte ay kasalukuyang nasa “cell monitoring” dahil siya ay isang elderly detainee na may mas mataas na risk na madulas o mahulog dahil sa edad at ilang chronic physical ailments.
Sa isang 7-pahinang dokumento na may petsang Mayo 20, sinabi ng ICC Registry na “Mr. Duterte has not recorded any fall in the last 30 days,” ngunit idinagdag na hindi nila maaaring ilahad ang kanyang mga kondisyon sa kalusugan dahil sa confidentiality.
Ayon pa sa ulat, “Regarding his loss of balance, the [medical officer] and Mr. Duterte’s medical specialists are responsible for assessments that are on a medical level.”
Dagdag pa nito, “From the perspective of management and operational security, Mr. Duterte’s movements are consistent with his age and mobility.”
Nauna nang iniulat ng ICC na may “rare occasions” na nadulas siya, ngunit agad siyang natulungan ng detention staff at isinailalim sa medical assessment.
“Following these rare events, adjustments have been made to his cell, to better accommodate his comfort and movement, and are adjusted as needed,” ayon sa ICC Registry.
May ginawa ring ergonomic adjustments sa kanyang selda at visiting rooms upang mas maging ligtas at mas madali ang paggalaw.
“The Registry recalls that the medical record is available to Mr Duterte and therefore his Defence team, and the continual medical care of Mr Duterte remains assured and under constant attention,” dagdag pa nito.
Si Duterte ay kasalukuyang nakakulong sa The Hague kaugnay ng kasong crimes against humanity para sa murder at attempted murder dahil sa umano’y mga pagpatay noong siya ay mayor ng Davao at pangulo ng Pilipinas. Mariin niyang itinanggi ang mga paratang. RNT/MND
