MANILA, Philippines – Inatasan ng Department of Public Works and Highways (DPWH) nitong Biyernes, Setyembre 26 ang District Engineer ng North Manila District Engineering Office na ipaliwanag ang mga umano’y iregularidad sa Sunog Apog Pumping Station Flood Control Project.
Inilabas ni Public Works Secretary Vince Dizon ang show cause order matapos ang kanyang pagbisita sa site noong Miyerkules kasama sina Independent Commission for Infrastructure (ICI) Special Adviser Benjamin Magalong at Manila Mayor Francisco “Isko” Moreno Dumagoso.
Binigyan ng DPWH ng limang araw ang Manila district Engineer para magsumite ng nakasulat na paliwanag.
“These circumstances, if left unexplained, may constitute gross neglect of duty, grave misconduct, inefficiency, and/or conduct prejudicial to the best interest of the service, in violation of civil service laws, rules, and regulations,” nilalaman ng memorandum ng DPWH
Iniutos na ni Dizon na ihinto ang pagkukumpuni sa Sunog Apog Pumping Station matapos nitong malaman na hindi pa ito nagpapatuloy sa operasyon mula noong 2017. Jocelyn Tabangcura-Domenden
