MANILA, Philippines – MULING inihayag ng Pilipinas ang commitment nito na i-secure ang Southeast Asian region nang i-convene ng Department of National Defense (DND) ang Ad Hoc ASEAN Defence Senior Officials’ Meeting (ADSOM)-Plus Working Group (WG) via video conference noong Mayo 20.
Sa isang kalatas, sinabi ng DND na ang online meeting ay pinangunahan ni Defense Assistant Secretary for International Affairs Marita Yoro, sa kanyang kapasidad bilang ADSOM-Plus WG Chair.
“The meeting revolved around commitments to regional defense and security, particularly with respect to advancing the role and contribution of young women and men in the defense sector to peacebuilding,” ang nakasaad sa kalatas.
Tinalakay din ng ADSOM-Plus WG ang ASEAN Defense Ministers’ Meeting (ADMM)-Plus Experts’ Working Groups (EWG) Co-Chairship para sa 2027-2030 cycle at daan pasulong ng ASEAN defense engagements para sa 2026.
Ang miting ay dinaluhan ng ASEAN Member States, ang Plus Countries, kabilang na ang Australia, China, India, Japan, South Korea, New Zealand, Russia, at Estados Unidos at maging ang ASEAN Secretariat.
Binigyang diin ng ADSOM-Plus WG meeting ang ‘strong commitment’ ng ASEAN para i-operate ang regional security at palakasin ang partnership. KRIS JOSE
