MANILA, Philippines- Nagbabala ang Department of Health (DOH) nitong Sabado laban sa nagpapanggap na opisyal na website ng departamento.
“The DOH clarifies that this website is not affiliated with the Department and the purported contents have been maliciously edited,” pahayag ng health department.
Noong Hunyo 7, nag-abiso rin ang DOH sa publiko ukol sa pekeng Facebook pages na nagpo-post ng Pre-Service Scholarship Program (PSSP) ng DOH.
Dahil dito, binanggit ng DOH na maaaring magsampa ng kaso sa mga kaugnay na websites.
“The DOH continues to enjoin the public to source information only from legitimate sources and platforms,” anang DOH.
Kabilang sa platforms na ito ang “DOHgovph” para sa Facebook at “X” (dating Twitter), Instagram at “@doh.philippines,” at official website: “www.doh.gov.ph.” RNT/SA
