MANILA, Philippines – Nagbukas ng specialized leptospirosis fastlane ang Department of Health (DOH) sa mga piling ospital ng gobyerno sa buong bansa para magbigay ng mas mabilis na risk assessment at paggamot para sa mga pasyenteng nalantad sa tubig-baha at hinihinalang may sakit.
Ang hakbang ng Kagawaran ay sa gitna ng pagsirit ng leptospirosis cases sa buong bansa na may 2,396 na naitala mula Hunyo 8 hanggang Agosto 7, 2025.
Ilang mga ospital sa Metro Manila ay nakararanas ngayon ng overcrowding o lagpas na sa nakalaang kapasidad.
Sa Philippine General Hospital (PGH), naunang sinabi ni spokesperson Dr. Jonas Del Rosario na ang kanilang emergency room ay 400 percent nang over capacity.
Gayundin sa East Avenue Medical center na ayon naman kay spokesperson Dr. John Paul Ner ay lagpas na rin sa karaniwan nilang bed capacity kung saan base sa kanilang pinakahuling census sa emergency department ay umabot na sa 168.
Ang San Lazaro Hospital, na naglaan ng 125 na kama para sa mga kaso ng leptospirosis, ay nakapag-admit na ng 124 na pasyente, ayon kay Medical Center Chief Dr. David Suplico.
Samantala, sa National Kidney and Transplant Institute (NKTI), karamihan sa mga pasyente ng leptospirosis ay nasa malubhang kondisyon.
Upang mapagaan ang pasanin sa mga ospital at matiyak ang napapanahong interbensyon sa medisina, ang DOH ay nagtatag ng Leptospirosis Fast Lanes sa mga sumusunod na 19 na ospital:
– San LOrenzo Ruiz General Hospital
– East Avenue Medical Center
– Quirino Memorial Medical Center
– Dr. Jose N. Rodriguez Memorial Hospital and Sanitarium
– Dr. Jose Fabella Memorial Hospital
– Philippine Orthopedic Center
– San Lazaro Hospital
– Tondo Medical Center
– Las Piñas General Hospital and Satellite Trauma Center
– Amang Rodriguez Memorial Medical Center
– Rizal Medical Center
– Jose R. Reyes Memorial Medical Center
– National Children’s Hospital
– National Center for Mental Health
– Lung Center of the Philippines
– National Kidney and Transplant Institute
– Philippine Children’s Medical Center
– Research Institute for Tropical Medicine
Ang mga fast lane na ito ay mga itinalagang lugar sa mga ospital kung saan ang mga pasyenteng nalantad sa tubig-baha ay mabilis na masusuri. Jocelyn Tabangcura-Domenden
