MANILA, Philippines – Kinumpirma ng Department of Justice (DOJ) na isinampa ang pormal na reklamong grave threats laban kay Vice President Sara Duterte nitong Martes, Agosto 11, 2026.
Ayon kay DOJ Spokesperson Atty. Polo Martinez, inihain ang reklamo bandang 1:30 p.m. sa Office of the Clerk of Court ng Quezon City Regional Trial Court.
Sa ngayon, wala pang inilalabas na detalye ang DOJ tungkol sa nilalaman ng reklamo at sa mga partikular na pangyayari na kaugnay ng kaso.
Kinumpirma naman ito ng kampo ni Vice President Sara Duterte.
Ayon kay Atty. Paul Lawrence Lim, abogado ni Duterte sa mga kasong grave threats na inimbestigahan ng National Bureau of Investigation (NBI).
“We confirm that today, the DOJ filed 3 counts of Grave Threats cases against the Vice President with the Regional Trial Court of Quezon City,” aniya.
Sinabi rin ng kampo ni Duterte na ibinasura ng DOJ ang reklamong inciting to sedition na inihain ng NBI laban sa Bise Presidente.
Ayon kay Lim, “Under prevailing circumstances, we have anticipated and prepared for such an outcome.”
Binigyang-diin ng kampo ni Duterte na pinaniniwalaan pa rin siyang inosente sa ilalim ng batas at naniniwala silang ibabasura rin ang mga kaso.
“Under our laws, the Vice President continues to be presumed innocent and is confident that the charges against her will ultimately be dismissed,” aniya.
Itinaas din ni Lim ang isyu na bilang isang kasalukuyang impeachable officer, maaaring hindi maaaring usigin ang Bise Presidente sa isang kasong siya ring paksa ng impeachment proceedings.
Ayon sa kanya, “Equally important, as a sitting impeachable officer, the Vice President may not be prosecuted for an alleged offense that is also the subject of an impeachment case.”
Sinabi ng kampo ni Duterte na gagamitin nila ang lahat ng legal na remedyo na maaari nilang gamitin kaugnay ng mga kasong isinampa. RNT/MDS/Jocelyn Tabangcura-Domenden
