MANILA, Philippines – IPINAG-UTOS ni Pangulong Ferdinand R. Marcos Jr. ang masusing imbestigasyon ukol sa smuggling ng sibuyas at iba pang agricultural products sa bansa.
Tinawag ito ng Pangulo bilang “an act as being tantamount to economic sabotage.”
Sa isang kalatas, sinabi ng Pangulo na “I have just given instructions to the DOJ and the NBI to initiate an investigation into the hoarding, smuggling (and) price fixing of agricultural commodities. And this is stemming from the hearing that we’ve conducted in the House, specifically by Congresswoman Stella Quimbo and the findings that they came up with.”
Sa isang Memorandum na isinumite sa Pangulo ni Marikina Rep. Stella Quimbo, pinangunahan ang Committee on Agriculture and Food hearings sa Mababang Kapulungan ng Kongreso, sinabi nito na “substantial evidence has been uncovered pointing to the existence of an onion cartel as she shed light on the causes behind the surge in onion prices in 2022.”
Aniya pa, ang cartel, pangunahing nago-operate sa pamamagitan ng Philippine VIEVA Group of Companies Inc. (PVGCI), ay naugnay sa iba’t ibang aktibidad kabilang na ang farming, importation, local trading, warehousing, at logistics.
Binigyang diin ng Pangulo ang kahalagahan ng mga natuklasan bilang “sufficient grounds” para simulan ang imbestigasyon, tinukoy ang pangangailangan na tugunan ang laki ng “economic sabotage.”
“And that is why we are going to be very, very strict about finding these people and making sure that they are brought to justice,” ayon sa Punong Ehekutibo.
“The hearings highlighted the sharp increase in onion prices starting in July 2022, attributed to a perceived shortage of supply. However, data from the Department of Agriculture Bureau of Plant Industry revealed only a modest shortage of approximately 7.56 percent in 2022, which could not justify the significant inflation rates reaching 87 percent in December of that year,” ayon sa ulat.
Iniulat naman ni Quimbo na ang pagtugon ng cold storage facility owners sa nasabing pagdinig ay nagpapahiwatig din na sapat na suplay ng sibuyas sa panahon ng price surges.
“This led to the examination of an alternative explanation: cartel activity. The cartel allegedly engaged in price-fixing through manipulation of stocks, leveraging control over cold storage facilities,” ayon pa rin sa ulat.
Sa nasabing pagdinig, itinanggi ni Lilia/Lea Cruz, kilala bilang “Sibuyas Queen,” ang pagkakasangkot sa onion importation, aniya ang kanyang naging partisipasyon ay limitado lamang sa trucking at pagtulong sa mga magsasaka ng sibuyas.
Gayunman, sinabi ni Quimbo na ang ebidensya na ipinresenta sa pagdinig ay nagkumpirma sa matinding kaugnayan ni Cruz sa industriya ng sibuyas.
Si Cruz ayon kay Quimbo ay majority stockholder ng Philippine VIEVA Group of Companies, Inc. (PVGCI), itinalaga noong 2012. PVGCI, kasama ang iba pang major players sa onion industry, ay isinasangkot sa cartel operations, kabilang na ang koordinasyon ng stock withdrawals at price-fixing sa iba’t ibang antas.
Isa sa inirekomendang aksyon ni Quimbo para tugunan ang usapin ay ang epektibong pagbuwag sa mga kartel sa tulong ng DOJ, NBI at Philippine Competition Commission. Kris Jose
