MANILA, Philippines – Ibinasura ng Commission on Elections (Comelec) Second Division ang petition for disqualification laban kay Senator-elect Erwin Tulfo para sa May 2025 midterm elections.
Ayon sa 25-pahinang desisyon, ibinasura ang kaso dahil hindi nasunod ng mga petitioner, Toto Cauing at Graft Free Philippines Foundation Inc. (GFPFI), ang ilang mga legal na requirements tulad ng affidavit of authentication at sertipika ng sekretarya.
Nilinaw ng Comelec, “The Petition is DISMISSED.”
Ipinahayag ng mga petitioner ang dahilan ng kanilang reklamo, kabilang ang umano’y moral turpitude, pagkawala ng pagiging mamamayang Pilipino ni Tulfo, at paglabag sa mga probisyon tungkol sa pantay na oportunidad sa serbisyo publiko, political dynasty, at nepotismo.
Ngunit hindi ito tinanggap ng Comelec dahil sa kakulangan sa mga dokumento. (Jocelyn Tabangcura-Domenden)
