MANILA, Philippines – Posibleng hilingin ng mga imbestigador na sumailalim sa polygraph test ang driver ng dating DPWH Undersecretary Ma. Catalina “Cathy” Cabral, ayon sa National Bureau of Investigation (NBI) nitong Martes.
“Given that investigators are not yet convinced on the statements being offered by the witness, malamang pupuwedeng maipatawag para mai-request for polygraph examination,” ani NBI spokesperson Atty. Palmer Mallari.
Ipinaliwanag ni Mallari na tatapusin muna ng NBI ang sarili nitong imbestigasyon bago ito maglabas ng anumang konklusyon, lalo na sa mga unang ulat ng ibang ahensya na nagsasabing suicide ang pagkamatay ni Cabral.
Patuloy pa rin ang pagsisiyasat ng NBI upang malinawan ang lahat ng detalye sa kaso. RNT/MND
