Drug den sa Cagayan, sinalakay

TUGUEGARAO CITY, CAGAYAN – Matagumpay ang isinagawang drug buy bust operation ng mga pinagsamang mga operatiba ng Philippine Drug Enforcement Agency (PDEA) Cagayan Provincial Office at Regional Intelligence Unit ng Police Regional Office 2 sa isang drug den dito sa nasabing Lungsod

Ayon kay PLtCol.Richatd Gatan, hepe ng Tuguegarao City Police Station, sinalakay nila ang Lyha Flower Shop, sa Patria Bldg. Rizal St. Tuguegarao City dakong 10:50 kagabi kung saan nahuli nila ang tatlong drug personalities.

Kinilala ang mga suspek na sina Analiza Mora Balubal, 42 taong gulang, dalaga, isang negosyante at residente ng Brgy. Cataggaman Nuevo, Tuguegarao City; Warren Zorilla Evanoso, 35 taong gulang, may asawa, isang chef at residente ng Zone 7 Brgy. Bunugan, Baggao, Cagayan, at Erwin Mailo Handig, 53 taong gulang, binata, kitchen crew at residente ng Maharlika Highway, Brgy. Leonarda, Tuguegarao City.

Nakumpiska sa mga suspek ang 22 piraso ng heat-sealed transparent plastic sachets na naglalaman ng pinaghihinalaang shabu.

Tinatayang tumitimbang ang mga kontrabando ng 15 gramo at nagkakahalaga ang mga ito ng hindi bababa sa P102,000 kapag naibenta sa mga parokyano.

Nakuha rin sa pag-iingat ng mga suspek ang buy-bust money na ginamit sa transakyon at ilang mga drug paraphernalia.

Nahaharap  ang mga suspek sa kasong paglabag sa RA 9165 o Comprehensive Dangerous Drug Act of 2002. Rey Velasco