MANILA, Philippines – Nakatakas ang isang drug suspect na nakakulong sa Cavite provincial jail sa Trece Martirez City, Cavite nitong Linggo, Nobyembre 3.
Iniulat ito ng Police Region Office 4A nitong Lunes, Nobyembre 4 kung saan kinilala ang nakatakas na si “Jayson” kung saan tumalon ito mula sa isolation tower bandang 1:44 ng umaga patungo sa escorting area.
Dagdag pa, umakyat umano ito sa perimeter fence ng jail facility na matatagpuan sa Barangay Lapidario hanggang sa tuluyang makatakas.
Ayon sa pulisya, ang detainee ay may pending na kaso para sa paglabag sa Comprehensive Dangerous Drugs Act of 2002 at isa pang car theft case sa Laguna.
Agad na naglunsad ng manhunt ang mga awtoridad para sa ikadarakip ni Jayson. RNT/JGC
