Home NATIONWIDE DTI nagbabala vs pagbebenta ng ‘mystery parcels’

DTI nagbabala vs pagbebenta ng ‘mystery parcels’

MANILA, Philippines- Marami nang Pinoy ang tumatangkilik sa “mystery parcels” para sa tiyansang makakuha ng item na higit pa sa presyong binayaran nila.

Nagbabala ang Department of Trade and Industry (DTI) sa publiko laban sa pagbebenta ng“mystery parcels,” na sinabing maituturing na “fencing” dahil maaari umano itong maituring na “stolen goods.”

Ang nasabing “mystery parcels” ay mga hindi nakuha o hindi nai-deliver na parcels na ibinebenta mula P50 kada piraso, ayon sa ulat nitong Lunes.

Matapos maibalik ng delivery rider ang item sa online platform, seller o courier, tinatanggal ang stickers na may pangalan at address ng recipients bago ibenta bilang “mystery parcels”.

“Unless the owner says inabandona na, siya pa rin ang may-ari nung item. Kung sino man nagtanggal ng waybill at nagbenta that can be charged as nakaw na item,” ani DTI Assistant Secretary Amanda Nograles.

“Meron kaming online monitoring unit…pwede yang ipa-takedown, show cause or bigyan ng notice of violation,” dagdag ni Nograles.

Ipinagbabawal ng Anti-Fencing Law ang “buying, receiving, possessing, or selling an item that a person knows, or should know, was derived from the proceeds of robbery or theft.” RNT/SA

Previous articleBabae tiklo sa P3.4M shabu
Next articlePulis na buntis patay sa hit and run