MANILA, Philippines – HINDI dapat puwersahin ng mga sellers ang kanilang customers na tanggapin ang vouchers.
Sa halip ayon kay Marcus Valdez, Department of Trade and Industry (DTI) Consumer Policy & Advocacy Bureau Director ay magbigay na lamang ang mga ito ng refund para sa defective product.
“Pwede naman po tanggapin ni consumer ang voucher. Ang sinasabi namin hindi pwede pilitin ni seller si consumer na tanggapin yung voucher,” ayon kay Valdez.
“Ang ating mga remedies [in addressing a defective product] ay yung right to repair. Kung hindi pwede, ang sunod na remedy ay replacement. Kung hindi pwede ang replacement, doon papasok ang refund. In that order po siya,” dagdag na wika nito.
Aniya pa, ang Consumer Act of the Philippines, na nagsasaad ng kondisyon ng pagtugon sa depektibong produkto, saklaw kapuwa ang physical at online stores. RNT
