BACOLOD CITY – Mahigit isang kilo ng hinihinalang shabu na nagkakahalaga ng P7.3 milyon ang nasabat at isang tulak ng droga ang naaresto sa buy-bust operation sa Purok San Sebastian, Barangay Buntis, Bacong, Negros Oriental noong Martes, Setyembre 10.
Kinilala ang suspek na si Opaw, 45, ng Dumaguete City, Negros Oriental.
Sinabi ni Police Lt. Stephen Polinar, tagapagsalita ng Negros Oriental police, na ilang buwan nang binabantayan ng intelligence unit ang suspek.
Sinabi ni Polinar na tinitingnan nila ang background ng suspek at kinikilala ang pinagmulan nito.
“Tinitingnan namin ang lahat ng posibleng mga entry. Maaaring ito ay galing sa Mindanao o Manila pagkatapos ay dumaan sa Negros Oriental,” dagdag niya. RNT
