MANILA, Philippines – Isa ang Dr. V. Orestes Romualdez Educational Foundation (DVOREF) College of Law sa naging malakas na law school sa nakalipas na 2025 bar exams kung saan nakakuha ng 80.19 percent passing rate.
Sa ipinalabas na datos ng Supreme Court (SC), nasa ikaapat na pwesto ang DVOREF sa kanilang Performance of Law Schools reportkung saan naging kahanay nito sa nakalipas na 2025 Bar examination ang Ateneo de Manila University, University of the Philippines at University of Santo Tomas.
Sa 106 examinees ng DVOREF, 85 ang pumasa sa nakalipas na bar exams.
Ang DVOREF College of Law ay pinamumunuan ni Leyte Rep. Ferdinand Martin Romualdez, na isa ding abogado at nagtapos sa University of the Philippines College of Law.
Ayon kay Romualdez ang magandang ipinakita ng DVOREF sa nakaliaps na bar exams ay pagpapakita ng pagtaas ng antas ng edukasyon sa maga lalawigan.
“This achievement shows that excellence in legal education is not confined to Metro Manila”pahayag ni Romualdez kung saan tinukoy din nito na ang magandang resulta sa bar exams ng DVOREF ay resulta umano ng preparation, faculty mentorship at academic culture. Gail Mendoza
