MANILA, Philippines – Ang easterlies at frontal system ay magdadala ng maulap na kalangitan at pag-ulan sa ilang bahagi ng bansa sa Miyerkules, iniulat ng PAGASA.
Ang Batanes ay magkakaroon ng maulap na papawirin na may kalat-kalat na pag-ulan at pagkidlat-pagkulog dahil sa frontal system na may posibleng flash flood o landslide dahil sa katamtaman hanggang sa kung minsan ay malakas na pag-ulan.
Ang Metro Manila at ang nalalabing bahagi ng bansa ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa easterlies na may posibleng pagbaha o pagguho ng lupa sa panahon ng matinding pagkidlat-pagkulog.
Ang heat index sa Metro Manila noong Miyerkules ay 40 degrees Celsius sa NAIA, Pasay City station at 41 degrees Celsius sa Science Garden sa Quezon City.
Batay sa heat index chart, pinapayuhan ang publiko na mag-ingat nang husto dahil ang ilang tao ay maaaring makaranas ng heat cramps at heat exhaustion at ang patuloy na aktibidad ay maaaring mauwi sa heat stroke.
Ang heat index ay isang sukatan kung gaano kainit ang tunay na nararamdaman kapag isinasaalang-alang ang relatibong halumigmig sa isang partikular na lokasyon.
Sumikat ang araw bandang 5:46 a.m., at lulubog ng 6:09 p.m. RNT
