TALISAY CITY- SHOOT sa kulungan ang isang electrician matapos mahulihan ng higit sa 1 kilong shabu sa isinagawang buy bust operation ng mga awtoridad nitong Biyernes, Mayo 10 sa lungsod na ito.
Kinilala ang nadakip na suspek na si Joey Trocio Gabrillo, 29, at taga Urban Poor, Brgy. Maghaway, Talisay City.
Ayon kay Police Lt. Col. Epream Paguyod, hepe ng Talisay City Police Station, bandang 4:35 AM nang madakip ang suspek sa Sitio San Rafael, Brgy. Tangke, ng naturang lungsod.
Sa pinagsamang operasyon ng Drug Enforcement Unit at Talisay City Police, nakuha sa suspek ang 1.2 kilo ng shabu na nagkakahalaga ng P8,160,000.
Nakuha sa suspek ang isang android phone, P600, buy bust money at motorsiklo.
Nakatakdang sampahan ng kasong paglabag sa illegal drugs ang suspek. Mary Anne Sapico
