Elon Musk hinamon si Zelenskyy: Magdaos ng eleksyon!

UKRAINE – Hinamon ni Elon Musk si Ukrainian President Volodymyr Zelenskyy nitong Huwebes, Pebrero 20, na magsagawa ng eleksyon.

Ito ay kasabay ng pagsasabi ni Musk na ang iniulat na approval rate ni Zelenskyy ay hindi ‘credible.’

Sa report kasi ng Kyiv International Institute of Sociology, sinabi na nakakuha ng approval rating na 57 percent si Zelenskyy.

“It should be utterly obvious that a Zelensky-controlled poll about his OWN approval is not credible,” ani Musk.

Sinabi pa ng X owner na kung mahal ng mga mamamayan ng Ukraine si Zelenskyy ay magsasagawa ito ng eleksyon.

“I challenge Zelensky to hold an election and refute this,” paghahamon ni Musk. RNT/JGC