MANILA, Philippines – Isang evacuation center sa Barangay Talaba 3, Bacoor, Cavite, ang binaha nitong Setyembre 2, 2024 dahil sa Tropical Storm Enteng.
Isang video ang kumalat online na nagpapakita ng sitwasyon kung saan pinasok ng tubig-baha ang nasabing evacuation center bandang ala-1 ng umaga, kaya napilitan ang mga evacuees na lumipat sa ibang silungan.
Ang mga evacuees ay inilipat na sa isa pang evacuation center sa Barangay Molino 1.
Patuloy na binabantayan ng lokal na pamahalaan ang sitwasyon at nagbibigay ng suporta sa mga pamilyang naapektuhan. RNT
