ILOILO CITY- Nahuli ang isang dating pulis na may tinatayang P500,000 halaga ng hinihinalang shabu sa isang buy-bust operation sa bayan ng Balasan sa lalawigan ng Iloilo nitong Huwebes.
Kinilala ang suspek na si alyas Tampol.
“This arrest serves as a stark reminder that the Philippine National Police (PNP) does not tolerate any wrongdoing, especially by those who were once part of our ranks,” pahayag ni Police Col. Bayani Razalan, direktor ng Iloilo Police Provincial Office (IPPO).
Nahuli ng Balasan Municipal Police Station (MPS) katuwang ang regional office ng Philippine Drug Enforcement Agency si Tampol, isang major drug dealer sa Balasan at mga karatig-bayan.
Narekober din mula kay Tampol ang isang .38 caliber revolver na may limang live bullets.
Tinanggal si Tampol mula sa PNP noong 2020 dahil sa illegal discharge of firearm.
“The rule of law applies to everyone including former colleagues who have chosen to violate it,” dagdag ni Razalan. RNT/SA
