Home NATIONWIDE ‘Extremely dangerous’ heat index tumusta sa Guiuan, E. Samar

‘Extremely dangerous’ heat index tumusta sa Guiuan, E. Samar

MANILA, Philippines – Sinabi ng Philippine Atmospheric, Geophysical, and Astronomical Services Administration (PAGASA), an nitong Martes, Mayo 28, ang Guiuan, Eastern Samar, ay nakaranas ng lubhang napakadelikadong damang init o heat index na umabot sa 55 degrees Celsius (°C).

Ang antas na ito ay nasa ilalim ng klasipikasyong batay sa epekto ng “extremely dangerouys”, kung saan ang heat stroke ay sobrang posible.

Samantala, sinabi ng PAGASA na nakapagtala ang Sangley Point, Cavite, at Virac (Synop), Catanduanes ng heat index na 48°C, kasunod ang Butuan City, Agusan Del Norte sa 46°C.

Umabot sa 45°C ang heat index sa Catarman, Northern Samar, habang 44°C naman sa Ninoy Aquino International Airport (NAIA) Pasay City, Metro Manila; Laoag City, Ilocos Norte; Dagupan City, Pangasinan; ISU Echague, Isabela; Casiguran, Aurora; Puerto Princesa City, Palawan; Cuyo, Palawan; at Tacloban City, Leyte.

Naitala naman ang heat index na 43°C sa Science Garden Quezon City, Metro Manila; Aparri, Cagayan; Baler (Radar), Aurora; Infanta, Quezon; Alabat, Quezon; Masbate City, Masbate; CBSUA-Pili, Camarines Sur; Catbalogan, Samar; at Dipolog, Zamboanga Del Norte.

Samantala, umabot sa 42°C sa Sinait, Ilocos Sur; MMSU, Batac, Ilocos Norte; Calayan, Cagayan; Tuguegarao City, Cagayan; Ambulong, Tanauan Batangas; Calapan, Oriental Mindoro; Romblon, Romblon; Daet, Camarines Norte; Legazpi City, Albay; Juban, Sorsogon; Roxas City, Capiz; Iloilo City, Iloilo; Panglao International Airport, Bohol; Mactan International Airport, Cebu; Siquijor, Siquijor; Borongan, Eastern Samar; at Maasin, Southern Leyte.

Noong Mayo 28, 38 na lugar ang umabot sa “dangerous” na heat index. RNT