MANILA, Philippines – Nagbabala ang Food and Drug Administration (FDA) laban sa mga pekeng pain reliever, flu at cough medicines, at mga gamot para sa hyperacidity na nagkalat sa merkado.
Ang mga pekeng produktong ito, ayon sa FDA ay maaaring
“pose potential danger or injury to consumers,” na gumagamit ng mga brand name ng produktong ginawa ng local pharmaceutical company Unilab.
Sa dalawang magkahiwalay na abiso ng FDA na may petsang May 17, nagbabala ito sa publiko sa pagbili at paggamit ng pekeng bersyon ng Biogesic, Medicol Advance, Alaxan FR, Bioflu, Tuseran Forte, at Kremil S.
“All healthcare professionals and the general public are hereby warned as to the availability of these counterfeit drug products in the market,” sinabi ng regulatory agency.
“Consumers are also reminded to purchase drug products only from FDA-licensed establishments,” dagdag pa nito.
Ayon sa FDA, ang mga drug store na mapatutunayang nagbebenta ng mga pekeng produkto ay parurusahan sa ilalim ng batas.
“The importation, selling or offering for sale of such is in direct violation of Republic Act No. 9711 or the Food and Drug Administration Act of 2009, and Republic Act No. 8203 or the Special Law on Counterfeit Drugs,” saad ng FDA.
Hinimok din nito ang mga lokal na pamahalaan at law enforcement agencies na suriin kung may ibinibenta bang mga pekeng produkto sa kanilang mga nasasakupan. RNT/JGC