MANILA, Philippines- Pinaiimbestigahan ni DILG Secretary Banjamin “Benhur” Abalos Jr. ang isang fire truck na nag-refill ng tubig sa isang pribadong bahay sa Taytay, Rizal.
Viral sa ngayon ang post sa page na Taytay Updates tungkol sa isang fire truck na kumukuha ng tubig sa isang fire hydrant at dinala sa isang pribadong bahay.
“Nagkakarga ang pampublikong firetruck ng tubig mula sa fire hydrant para kargahan ang swimming pool ng isang pribadong bahay. Salamat sa imbestigasyon Sec. Benhur Abalos sana makatulong ito,” bahagi ng post ng Taytay Updates.
Nang makarating sa kaalaman ni DILG Secretary Benhur Abalos, kaagad na ipinag-utos ito ang agarang imbestigasyon sa nasabing ulat.
Makikita sa video na isang fire truck na may body number 4A-R-E513A ang kumukuha ng tubig sa fire hydrant at dinala ito sa Maharlika Village at ni-refill sa isang pibadong pool.
Habang ginagawa ang artikulong to ay umabot na ang bidyo sa 14.4K plays habang sa magkahiwalay na post ay umabot naman sa 355 comments at 230 shares sa loob ng 18 oras. Toto Nabaja
