MANILA, Philippines- Iniulat ng Department of Health (DOH) noong Biyernes na ang bilang ng mga nasugatan na may kaugnayan sa paputok ay tumaas sa 704, na lumampas sa tally noong nakaraang taon ng 16.9%.
Inilagay din ng DOH ang kasalukuyang bilang ng mga nasawi sa dalawa, matapos magsindi ng triangle ang isang 44-anyos na lalaki na nagdulot ng nakamamatay na sugat sa kanyang ulo.
Ang kabuuang mga kaso ay naitala batay sa datos mula sa 62 sentinel sites, na sumasaklaw sa panahon mula Disyembre 22, 2024 hanggang Enero 3, 2025. Nalampasan din nito ang tally noong nakaraang taon na 602 kabuuang kaso noong Enero 3, 2024, na nagmamarka ng 16.9% na pagtaas.
Sinabi ng DOH na mula noong bisperas ng Bagong Taon 2024, may kabuuang 112 bagong kaso ang naitala.
Sa 704 na nasugatang mga pasyente, 412 ay mga teenager o mga bata.
Ang natitirang 292 ay may edad na 20 pataas. Pinakamaraming biktima ang mga lalaki na umaabot sa 583 o 82.8% ng mga kaso.
Ang mga babae, sa kabilang banda, ay may bilang na 121 o humigit-kumulang 17.8% ng mga kaso.
Sa 704 sugatang pasyente, 412 ang teenagers o mga bata. Ang nanatiling 292 ay nasa edad 20 o mas mataas.
Nangunguna pa rin ang kwitis na legal ngunit mapanganib na paputok na dahilan ng injuries. Sinundan ito ng ‘boga’ o improvised cannon, karamihan ay may kaugnayan sa hindi batid na paputok, five star at whistle bomb.
Binigyang-diin ng DOH na ang mga pinsalang dulot ng kwitis at boga ay paso sa balat at amputation sa ilang malalang kaso.
Sinabi ni Health Secretary Ted Herbosa nitong Huwebes na inaasahang tataas pa rin ang bilang ng mga nasugatan na may kinalaman sa paputok sa mga susunod na araw dahil sa late reports at hindi agad nabibigyang lunas ang mga biktima. Jocelyn Tabangcura-Domenden
