MOLO, Iloilo City- SHOOT sa kulungan ang isang foreman at 5 kasamahan nito sa isinagawang drug buy bust operation ng mga tauhan ng City Drug Enforcement Unit (CDEU), kahapon sa lungsod na ito.
Ang mga nadakip na suspek ay sina Greg Sucgang, 28, foreman, residente ng Brgy. Rizal Pala-Pala, City Proper; Mark Anthony Cetin, 36, residente ng Brgy. Granada, Bacolod City; Cristoto Balagwis, 32 anyos, ng Brgy. Crossing, Pulopandan, Negros Occidental; Miguel Abelar, 35, residente ng Brgy. Granada, Bacolod City; Jerry Lerio, 44, ng Brgy. Saguday, Quezon Province; Andres Labiste, 34, residente ng Brgy. Cabugao Norte, Sta. Barbara, Iloilo.
Sa pinagsamang operasyon ng City Drug Enforcement Unit (CDEU) at Iloilo City Police Office (ICPO), nadakip ang mga suspek bandang 5:30 PM sa Brgy. North Baluarte, Molo, Iloilo City.
Ayon kay Police Captain Ryan Christ Inot, team leader ng CDEU, target nila sa operasyon si Sucgang at nakabili sila ng shabu sa halagang P7,000.00.
Narekober sa mga suspek ang 195 gramo ng hinihinalang shabu na may estimated market value na ₱1,326,000, drug paraphernalia, at buy bust money.
Sinabi ng pulisya, target sa operasyon si Greg na siya umanong nagbabagsak ng iligal na droga sa construction worker sa nasabing lungsod.
Nahaharap ngayon sa paglabag sa illegal drugs ang mga suspek.
Patuloy naman ang ginagawang imbestigasyon ng mga awtoridad para alamin kung sino ang supplier ni Sucgang./Mary Anne Sapico
