FPJ Panday Bayanihan, umani ng suporta ng Bicolanos

MANILA, Philippines – Libu-libong Bicolano ang dumagsa sa kalsada upang tunghayan ang motorcade campaign ng FPJ Panday Bayanihan partylist nang baybayin nito ang bayan ng Mercedes, Daet, at Labo sa Camarines Norte.

Lulan sa nauunang convoy van sina Brian Poe Llamanzares at Mark Lester Patron, kapwa  nominado ng FPJ Panday Bayanihan partylist.

Nagtapos ang convoy sa open ground ng  Our Lady of Lourdes College Foundation, Daet. Isinagawa doon ang grand rally at nagtalumpati ang mga kandidato kasunod ang musikal na konsiyerto na nagtanghal ang  JRoa Band, Because at Rock Steady.

Tinatayang 12,000 katao ang dumalo at nakisaya sa kampanyang pulitikal at konsiyerto. Pagdaka’y dumating si Senator Grace Poe at nakilahok sa pagdaraos ng grand rally sa naturang pamantasan.

Taus-pusong pinasalamatan ni Brian Poe,  unang nominado ng partyliat, ang  mga Daeteño sa  mainit na pagsalubong  at suporta.  Binigyang pugay pa niya ang ipinadamang pagpapahalaga ng mga residente ng bawat komunidad na dinaanan ng kanilang motorcade.

Masigla ang mga Bicolano at  hindi nila ininalintana ang init ng araw para sumalubong at kilalanin ang presensya ng FPJ Panday Bayanihan Partylist sa Camarines Norte, saad pa ni Brian Poe.

Pinasalamatan ni Sen. Grace Poe si Governor Ricarte “Dong” Robledo Padilla ng Camarines Norte at mga opisyal ng lokal na pamahalaan ang ipinakita nilang suporta at pagtulong sa pangangasiwa at seguridad para sa motorcade at grand rally.

Ipinanawagan ng Senadora ang pagkakaisa ng mga Pilipino, na binigyang-diin na ang bawat halal na opisyal ay may tungkulin na pagsilbihan ang mga tao, anuman ang kanilang mga kaugnayan sa pulitika.

Ang mga mahahalal na mambabatas at opisyal  mula sa anumang  partido, mungkahi na isantabi na ang political color maging dilaw, asul, pula o rosas, bagkus tayo’y magkaisa  at tungkulin natin  na paglingkuran ang sambayan, payo ni Sen. Grace Poe. RNT